Thursday, December 18, 2008

KEBAU JADI-JADIAN

Ade bak ughang namenye Anakniaji tegal kak lah mangon umah untuk keluargenye nurut tradisi atau adat yang belaku, untuk nunggu umah anyar itu keluarga Anakniaji harus ngadeke upacara adat dengan carek nyembelih sikok kebau sebagai kurban.
Lame berunding dengen anaknye H. Tonggal, make diputuske oleh Anakniaji untuk nyembelih kebau betinenye yang namenye kebau Sirangir. Dem berape aghai isuknye menjelang diadekenye upacara itu, Anakniaji manggil gembalanye Malaski. Dem tu die nyuruh Malaski pegi ke padang gembalaan untuk ngenjuk tau kebau Sirangir amon die tuh nak disembelih.
Dak usah heran amon kebau pacak ngomong, kerene cerito ikak tejadi di dunia dongeng. Nah pas Malaski ngenjuk tau Kebau Sirangir amon die tuh nak disembelih untuk kurban, kerbau Sirangir dak nia nolak tapi die minte kesempatan untuk die nyelesaike gawe dia bangun umah untuk tempat tinggal anak-anaknye. Permintaannye itu disetujui, dan die nak disembelih amon umah tuk anak-anaknya tuh dem bangon.
Dem kebau Sirangir selesai ngaweke umah tu die berenggot ngumpulke anak-anaknye. Lalu kebau Sirangir ngomong ke anak-anaknye amon die tuh nak disembelih untuk kerbau. Nengo itu, galek anak kebau Sirangir nyamulung termehek-mehek. Anak-anaknye itu mohon minte ke umaknye jangan galak disembelih kebau Sirangir jelaske ke anak-anaknye amon die tuh dak pacak dak minte urung dari kendaknye Anakniaji untuk nyembelihnye karena die dan anak-anaknye tuh milik keluarge Anakniaji. Oleh karne tuh, kendak keluarga Anakniaji harus dipatuhi.
Tepat aghai yang dijanjike datanglah Malaski nyemput kebau Sirangir untuk diunde ketempat pelaksanaan upacara adat. Ngelek Malaski datang kebau Sirangir berenggot begoyo manggil galek anaknye. Selanjutnye anak-anak tuh bakumpul ngeliling kebau Sirangir die ngateke ke anak-anaknye tuh amon ya datang waktunye untuk bepisah. Nelek anaknye taberebes nyamulung, kebau Sirangir nasehatke dak usah basedih karne kepergiannye tuh semate-mate untuk nunaike tugas suci kebau Sirangir pulek ngomong ke anak-anaknye amon agek mereka tuh ngelek ujan lebat turun, kilat, guruh, itu pertande amon die dang sembelih ughang.
Setelah mencium anak-anaknye sikok-sikok kebau Sirangir pegi milu Malaski. Anak-anaknye melepas kepegian kebau Sirangir dengan ayo matek yang sungguh sangat pilu.
Di tempat penyelenggaran upacara adat, ughang-ughang la rami nunggu kebau
Sirangir, pasti die dengan Malaski datang ditempat itu H. Tonggal mulai bagoyo ngunde nyingok kebau Sirangir dem tuh ngundenye ke tempat penyembelihan. Kemudian kebau Sirangir direbahkan oleh ughang rami-rami kebau. Kebau Sirangir mejamke matenye dem tuh datang lanang dengan awak yang besok nyambelih tukuk kebau Sirangir dengan mandau tajam. Pas darahnye nyembur, seketika kilat nyambar barang dengan suare guruh yang pecah dilangit pada saat itu pulek turun ujan dengan lebat nia.
Nelek ujan turun lebat dem tuh pulek ade petir, ade pulek lagi suare guruh make taulah anak kebau Sirangir amon ibunye tuh lah disembelih. Anak-anaknye tuh dak pacak ape-ape kecuali nyamulung.
Setelah ujan lebat itu berenti ughang-ughang mulai motong daging kebau Sirangir dan masakenye, kepalanye digantung umah anyar yang nak ditempati keluarga Anakniaji.
Selesai daging kebau Sirangir dimasak ughang-ughang makannye rami-rami sambil cekakak-cekikik ladas dalam upacara adat yang diselenggarake keluarga Anakniaji. Dem upacara adat itu nah barulah keluarga Anakniaji nempati umah anyarnye itu.
Isok arainye; cak biaso Anakniaji dengen bini anaknye Aji Tonggal, pegi bagawe di ladang mereka di luo desa. Umah mereka tinggalke dalam keadaan takunci. Setelah pulang dari ladang lah nak malam, Aji Tonggal dan maknye maduk ke dapo merasa takejut dna heran karne di dapo tuh lah tahidang makanan. Padahal ketika mereka pegi ke ladang, di dapo tuh dak suek makanan. Dan dak mungkin pulek ade orang masuk ke dalam umah mereka karne galek pintu dan jendelo tekunci rapat.
Setelah kejadian yang aneh itu baulang beberapa kali, Aji Tonggal memutuske untuk nyeledik diam-diam, sape urang yang nyedioke makanan di dapo umah mereka itu. Ketika pagi-pagi ayah dan maknye pegi ke ladang, Aji Tonggal sembunyi di satu tempat dalam dapo umah mereka. Setelah lewat tengah arai, dari tempat persembunyiannya, Aji Tonggal nyingok kepala kebau Sirangir yang tegantung di dapo itu menjelma menjadi seorang batine yang belagak. Kemudian batine itu memasak makanan. Pada waktu batine itu akan menghidangkan makanan yang baru selesai dimasaknye, Aji Tonggal melompat dari persembunyiannye dan menangkap batine itu. Beberapa saat tejadi pergumulan karne batine itu berusaha melepaskan awak. Tapi akhirnye die nyerah karne apepun yang dilakukannye, Aji Tonggal tidak melepaskannye.
Ketika ditanye oleh Aji Tonggal, gadis itu menjelaskan bahwa die adalah penjelmaan dari kepala kebau Sirangir yang tetap ingin mengabdi kepada keluarga yang memilikinye, meskipun dem dipisahke dari awaknye.
Pada waktu kedua orang tua Aji Tonggal datang ke umah dari ladang, mereka tekejut nyingok seorang gadis belagak duduk bersama Aji Tonggal. Kemudian Aji Tonggal nyelaske kepada orang tuanye apa yang lah dem tejadi. Setelah terpegang tangan manusio, gadis itu tak dapat kembali menjelma sebagai kepala kebau. Akhirnye kedua orang tua Aji Tonggal mengawinkan gadis belagak itu dengan anak mereka. Mereka idup bahagia, kebau Sirangir dapat meneruskan pengabdiannye kepada si majikan sembari menjago keselamatan anak-anaknye.

No comments: